《全民高爾夫》系列日本、香港兩邊早已熱爆！新版《全民高爾夫5》首度登陸PS3（7月推出），最近就有唔少相片流出，可以見到憑住PS3強勁機能，人物、場景細緻度都比以往提升唔少，尤其係《全民高爾夫》經常會出現非現實「超級擊球」效果，PS3版將會追加更多別致效果，玩家玩起上嚟相信會更有趣味。

球桿決定力度

除咗畫面改進外，遊戲系統亦加入唔少新元素，玩家可能記得以往想打得大力啲，就要睇住力量計跳動去㩒掣，PS3版將會改為睇球手舉桿高度決定打出力度，而準繩度亦以高爾夫球白圈決定，SCE就話呢個係較直覺嘅操作，真係好想試吓！另外球場據知亦會依照真實球場而設計，好考玩家決定球路方向技術，而球洞之間會安排慢鏡重播，真實度非常逼真，必睇！而打波打到天黑，遊戲內都會真實反映時間對球場變化，相當特別。

網址： http://www.jp.playstation.com/scej/title/mg5/index.html