當年今日

警隊合約花落誰家?

蘋果日報 2002/05/30 00:00


好多讀者都知道前線警務人員都會加用手提電話做輔助通訊器材,一來較輕細,二來如果需要長時間向上級報告時,用手機就唔會佔據「小露寶」條線咁耐。而舊年第一期試驗就由「橙台」得到合約,不過今年推行第二期時,就有啲冧巴去咗「C記」度。照計「橙台」嘅價錢應該可以殺晒𠺝?於是王子即刻搵各界友好問問,原來因為阿Sir「行咇」好多時要到埋啲橫街窄巷,有某啲位置會「潛咗水」,所以就要「強者」出馬喇。各位讀者又試估吓,喺天水圍同黃埔,邊個台最堅呢?
手機方面,上一批用「落機呀6120」,效果幾好,所以警隊今次繼續幫襯「落機呀」。如果情報冇錯,應該係「3310」,此文見報時應該分發咗部份落各環頭。王子在此奉勸各位阿Sir,唔好飛線落部「公機」度,同埋唔好用嚟講私人電話,Download歌仔就更加唔好,費事俾審計處踢爆啦!