示威常客雷玉蓮「女長毛」噚日參加元旦反董連任遊行後，突然伏喺個記者身上，大喊：「恭劭我哋嚟咗啦！」嚇咗在場嘅記者一跳，原來佢想起上年逝世的街頭戰友吳恭劭，不禁失控激動落淚。
身穿印有吳恭劭樣貌Ｔ恤的女長毛哀歎，每年除夕吳恭劭都會打電話畀佢相約第二天遊行，但今年就……佢話：「如果佢喺度，一定出來反董。」她又話，就算噚日嚟到政府總部，佢都彷彿見到吳恭劭的影子。
女長毛又憶起，每逢農曆新年都會弄糕點畀吳恭劭；今年卻不做了，講完已經眼淚盈眶。其實女長毛在去年國慶示威，她已曾經痛哭過一次。
（圖）女長毛想起戰友吳恭劭，即哭不成聲。


E-mail：[email protected]