當年今日

嚇人豬扒Look驚觀眾噓
李嘉欣低胸露背搵信心

蘋果日報 2002/05/30 00:00


李嘉欣、莫文蔚和關秀媚前晚打扮性感出席新片《豬扒大聯盟》首映,李嘉欣有感新戲中的造型醜陋,前晚一度忐忑不安,不敢到場。結果嘉欣還是以大露背裝加清新短髮look靚靚赴會,但卻遲大到。
李嘉欣、莫文蔚(Karen)、關秀媚、陳小春和馮德倫五位主角,前晚到尖沙嘴海運戲院出席新片《豬扒大聯盟》首映。

退休方可剪髮
嘉欣和Karen都不約而同以性感打扮赴會,嘉欣以露背肚兜裝示人,再配上一頭清新短髮,成為全場焦點。嘉欣說:「其實頭先喺屋企試衫時,我左換右換好緊張,我猛同自己講可唔可以唔去,因為我第一次喺戲入面嘅造型咁肉酸,我好怕觀眾嘅反應唔好,心情好矛盾。」嘉欣最後決定出席首映,可是卻遲大到,遲了近四十五分鐘。
而嘉欣前晚的短髮look,獲得好評如潮,但原來只是假髮,她說:「我因為有廣告在身,所以唔可以剪頭髮,或者要退休先可以剪頭髮。」

小春德倫互避
至於Karen和馮德倫這對情侶,前晚拍拖赴會,馮德倫入場後更跟Karen及她的雙親坐在一起,看來馮德倫跟伊人的家人相處愉快。而小春甫到場見到Karen和馮德倫即笑說:「我行開啲先喇!」之後,小春和Karen背對背影相時,馮德倫又走開,他事後說:「哈哈,我唔會尷尬。」Karen將於下月二日生日,馮德倫說:「我都八月九日生日啦,如果佢開派對,叫我咪去囉。」Karen則表示生日會跟家人一起吃飯慶祝。
採訪:魯萍
攝影:陳志嵐