本周日為愛彼錶女皇盃活動擔任廣告女主角的謝婷婷，對愛彼錶（AudemarsPiguet）為女皇盃設計、以RoyalOak八角形作藍本的限量版腕錶有情意結，她自小已鑑賞父親謝賢的RoyalOak腕錶，更因此愛上boysize、具金屬質感的腕錶，她日前接受訪問時，揚言希望與男友安志杰一起戴情侶錶，共享sweetmoment。

每年一度的愛彼錶女皇盃於本周日沙田馬場舉行，大會今年找來謝婷婷為廣告女主角，為奢華的愛彼錶及傳統的貴族賽馬注入時尚氣息。

「質感Powerful」

婷婷日前在馬場，示範愛彼錶今個年度的SIHH新錶，當中對為女皇盃設計的RoyalOak限量版腕錶情有獨鍾，她說：「腕錶絕對係must-have嘅luxury，我由細到大已經接觸過AP，因為爹哋擁有最signature嘅RoyalOak，好有質感、好powerful，自己都因此愛上咗boysize同貴金屬質感嘅錶。」
問到有否向四哥借錶鑑賞，婷婷笑言：「佢唔會畀我戴，反而我第一隻AP係媽咪送，可能我平時跟佢shopping多，係一隻女裝錶。」她透露愛以腕錶作accessory：「自己style唔會戴太多accessory喺身，一隻手錶襯衫已經足夠，簡單嘅外形，但內涵要complicated，唔需要太多鑽石，最想買一隻錶送畀Andy（男友安志杰），好想一齊戴couplewatch。」

「好想有匹馬」

問到女皇盃背後的藍血賽馬典故，婷婷十分欣賞：「將傳統貴族賽馬嘅royalcharacter凸顯出嚟，入場嘅人會優雅咁盛裝，好享受賽馬呢個運動。」
婷婷透露與馬甚有淵源，拍攝當日對馬匹盡顯溫柔愛心，她說：「自己第一次騎馬喺9歲，係一匹馬仔，好鍾意，嗰時喺加拿大返大學，每日返學途中都會見到好多馬，好有親近大自然感覺，之後爹哋喺香港養馬做過馬主，18歲都跟過佢入馬場，爹哋同我講馬匹喺香港嘅賽馬年齡好短暫，佢哋退役冇咗工作就會好失落，自己好鍾意馬嘅乖巧性格，好想擁有一匹馬。」

獎金高達1,400萬元

每年的愛彼錶女皇盃已升格為國際一級賽馬盛事，獎金更高達1,400萬元，瑞士腕錶品牌愛彼錶除全力贊助，更設計了全球限量100枚的RoyalOak限量版腕錶助興。
限量版以品牌最icon的RoyalOak系列為骨幹，簽名式的八角形錶圈、灰色錶盤綴MegaTapisserie超大格紋裝飾，發光漆料白金時針，配灰色鱷魚皮錶帶，結合heritage及luxury雙元素，名正言順是royal之作。

　

採訪：RitaLeung
攝影：MatthewLam
化妝：KamenLeung
髮型：RayChan
服裝提供：Loewe
場地提供：TheRacingClub（競駿會）