李香琴（琴姐）、朱咪咪、呂珊、森森、斑斑及譚炳文等人，昨日往尖沙嘴出席「金曲滿天星演唱會」記者會，演唱會將於下月十六至十八日於灣仔伊館舉行。
大會昨日為將近七十歲大壽的琴姐預祝生日，送上蛋糕及大壽包之餘，亦贈送水晶馬及金壽桃一個，琴姐更搞笑地將大壽包放在胸前。

朱咪咪慰問柏芝
問到琴姐收到甚麼禮物時，她開心地說：「今年收手表多，我戴緊嘅表就係寶珠姐送嘅。早幾日我打麻雀，食咗鋪天胡，成七十歲頭一次食咋，真係好開心。」
另外，在《慈善星輝仁濟夜》中，張柏芝的亡命飛車演出收視較朱咪咪的金曲表演差，朱咪咪笑說：「我都唔知咁勁，但我知好多人都重鍾意聽舊歌，見到柏芝同我問候吓佢，發生咁嘅事，我真係心痛。」
攝影：何國豪
採訪：陳梅香