特首一聲要檢討公營機構高層人工，煲呔翌日馬上行動，當然，一切夾定晒，但無論點，對不滿官富民窮嘅中產，特首肯郁手做啲嘢總算係一個好消息，亦證明民意在選舉時特別有用，那怕係小圈子選舉，都比冇選舉好。
九大肥仔機構中，最快反應係貿發局，無他，皆因施祖祥份人工在九個頭頭中算「最低」，只得三百萬左右，大約係任志剛三分一。另外，貿發局嘅人工開支，佔總開支比率亦低，唔怕貨比貨。
除貿發局外，周梁淑怡嘅旅遊局同陳黃穗嘅消委會亦話支持檢討行動。其他肥仔，雖然未表態，亦好難對着幹，點都要做啲嘢應酬吓煲呔嘅。


E-mail：[email protected]