現年49歲嘅韓星吳達洙，今年2月被爆涉性騷擾搞到形象受損，原先佢否認其事，及後話劇女演員嚴智英上電視指控吳達洙嘅性騷擾行為，吳達洙最終亦發聲明道歉。

吳達洙因為涉性騷擾關係，令到佢累賣座韓片《與神同行2》要搵其他演員補拍，同時亦被飛出劇集《我的大叔》，早前電影《我想看看父母的臉》亦決定刪走吳達洙戲份，但因為一直搵唔到適合演員最終決定放棄重拍，令電影上映無期。

至於吳達洙之前就避蒲頭，又自言一直冇食慾，幾乎只靠飲米酒度日。而今日韓媒就報道，吳達洙因為健康問題早前入院，現時已入院，據知吳達洙因為只靠飲酒度日，一個月只食兩碗飯，最終身體及精神壓力爆煲而病倒入院，其家人即喺佢身邊陪伴及照顧佢。

更多韓流，喺晒《娛果》
http://fb.com/appledailyent