魯平父子享受大不同 - 李八方

蘋果日報 2002/03/25 00:00


曾經有份主宰香港前途的魯平,你估佢屋企係點?根據飛哥李鵬飛在今期《茶杯》中憶述,九三年有一個星期日,飛哥一個人應邀上京,去魯平家傾「直通車」問題。當時魯平是國務院港澳辦公室主任,但間屋只得六、七百呎,成二十幾樓高,唔止咁,幢樓重好似香港啲公共屋邨,又舊又簡陋,屋內的電器和梳化,亦都又舊又殘。飛哥話見到呢個「清貧」境況,對魯平都敬重多三分。
八方聽北京朋友講,到過北京,方知自己官小。想魯平亦不便太過奢華吧。而且魯平公子魯恭在港住豪宅,新抱又常入波場。用清貧兩字形容魯主任,恭維有餘,不如話佢儉樸,更令人信服。


E-mail:[email protected]