政府即將引入冰鮮雞，有飲食業人士認為，雖然冰鮮雞價錢較便宜，可以降低經營成本，但由於冰鮮雞肉質不及活雞，所以較高檔次的食肆都不會「貪便宜」而改用冰鮮雞。不過，國際名廚楊貫一則強調，只要懂得烹調技巧，仍可把冰鮮雞煮成美味菜式，食品與活雞不相伯仲。

高檔食肆堅持用活雞
香港餐飲聯業協會主席伍德良表示，引入冰鮮雞可以給予消費者多一個選擇，也可造成競爭，令活雞價錢下調。但從中國傳統美食的角度去看，冰鮮雞紿終難以取代活雞，尤其是高檔次食肆多不會採用冰鮮雞。
鏞記酒家集團有限公司行政經理王揚威說：「始終都係新鮮雞好啲，肉質會嫩滑啲，尤其係一啲高檔嘅食肆，為咗個招牌，活雞價貴啲，都寧願用活雞，好似老火湯就要用走地老雞去煲先夠味，始終香港嘅飲食文化唔同外國人，唔會乜都用雪藏嘢！」
不過，國際名廚楊貫一表示，冰鮮雞一樣可以煮出鮮雞味，「活雞同冰鮮雞都一樣係咁煮，有無雞味睇你嘅廚藝同識唔識得煮，最重要係注意保存要夠凍，溶雪時唔好浸水，同埋要用鹽水將隻雞拖水，去咗啲雪味，咁樣煮出嚟嘅雞就會同新鮮雞無乜分別！」他又說，改用冰鮮雞可以令食肆成本減輕，但最重要是業主不要加租。
本報記者