賀賢馬房旗下的「美好家園」列陣周三第六場三班1200米，早在去年六月開操不久，潘頓在晨課已經多番出試，包括親試大閘，惟在港兩次出賽俱未有主轡，直至今仗率之親身上陣，箇中原因顯然而見，馬兒上仗在同班同程以極佳追勁取得殿軍，只落後頭馬「電子群英」個多馬位而已。
其實「美好家園」在澳洲早已證明潛質非凡，在當地兩戰一冠一季，初出角逐1200米排13檔，沿途尾隨兼走四五叠，入直路更飛出八九叠蝕位極多，末段居然猶有餘力，追回一席季軍，落後不足兩馬位。該役頭馬、殿軍再出再贏，證明水準不差。
「美好家園」翌仗在1300米順利贏馬開齋，沿途守八九位，直路望空後從容以三馬位之先過終點。總結「美好家園」潛力遠遠未盡，加上母親OnFocus乃四項表列賽冠軍，相信「美好家園」非一般三班貨色。