由榮智健主理的中信泰富噚日公布二○○一年度業績兼開記者會解畫，八方亦唔執輸去見見榮太子。記者會內，其中一個必問問題，自然離不開傳聞話阿董搵佢間公司位董事總經理范鴻齡做部長，問榮太子假如傳聞屬實，佢會唔會放人？點知榮太子好從容咁話：「只要係對香港有利嘅事都會支持，之不過呢啲係范生嘅私人事，要由范生自己答。」
唔知范鴻齡係咪覺得有妹妹范椒芬做部長服務市民大眾已經足夠，所以只係話自己喺中信泰富仍有好多工作要做，冇計劃離開喎。至於實情阿董有冇搵過佢？幾時搵過佢等等？范生就一概唔肯講。
（圖）范鴻齡跟隨榮太子多年，又點會話走就走呢？


E-mail：[email protected]