Apple姐日記:周美鳳李桂蘭婉拒菲力偉

蘋果日報 2002/03/25 00:00


我Apple姐同好多名太關係都唔錯,好多重係又本事又有才貌嘅㖭。
好似最近菲力偉美容中心咪宣布用名媛余安安、胡敏珊同拉丁舞后黃蕊做大使宣傳嘅。我Apple姐八到原來菲力偉起初搵過周美鳳(左)同李桂蘭(右)兩個嘅,但係最後兩位阿太婉拒咗。

怕太高調
周美鳳話幫菲力偉做過公關,驚身分重叠;而李桂蘭話就唔想太高調,所以都婉拒咗菲力偉嘅美意囉。
其實班阿太真係唔志在,佢哋有佢哋嘅原則,所以話呢,要搵佢哋幫手宣傳吓間公司或產品嘅老闆,真係要花吓心思同嘴頭,唔係話咁易就請到佢哋㗎!