當年今日

恨戴安仔婚戒
Sammi:一個銀圈就得

蘋果日報 2011/09/02 00:00


近日擔任不少品牌代言人的鄭秀文(Sammi),昨日再為首飾品牌擔任廣告大使,於灣仔演藝學院出席相展。與安仔復合後,Sammi有愛情滋潤笑得特別甜,對於將來的結婚戒指,Sammi自言不恨收巨型鑽石戒指,簡單銀圈戒指已心滿意足。
殿堂級珠寶品牌卡地亞早前邀請了鄭秀文為品牌的Trinity系列拍攝一輯宣傳照,昨日於灣仔演藝學院舉行相展,Sammi戴上近百萬的鑽飾現身。
問到Sammi將來可會為自己設計婚戒?她笑說:「又關事?下次代言墨水、廁紙又點?暫時冇諗,只想做稱職嘅代言。」母親有沒有為Sammi準備嫁妝?她說:「都有一、兩套,我送畀阿媽嘅,冇諗過佢會送番畀我,留番畀家姐,如果有贊助送都歡迎。」
empty
穿上短裙的Sammi坐下時即以披肩遮蓋大腿,避免走光。
心意勝萬金
可有收過安仔送的首飾,Sammi尷尬說:「唔答呢啲話題,女人有工作能力都可以自己買。」會否恨收如梁朝偉送給妻子劉嘉玲的3千萬卡地亞鑽石?Sammi說:「嘩!有就戥佢開心,呢方面我冇意識,心意平貴冇所謂,每人能力唔同,收咗都唔知收去邊。」
empty
安仔與Sammi再次翻撻,感情已十分穩定,情比金堅。資料圖片
empty
卡地亞相展展出多幅Sammi為品牌拍攝的靚相。
怕戴情侶戒
是否安仔送汽水蓋掩當戒指也心甜?Sammi說:「唔好講到我咁純情,一個汽水蓋就快樂如天仙,結婚戒指一個銀圈就得。」至於情侶戒指,Sammi說:「唔使啦,巨型又怪,我鍾意簡單設計,唔使刻意。」
談到日前有疑似言成旭的裸照流出,曾一起合作拍電影的Sammi說:「我都有睇,似未必係,好多人都似我,總之唔係自己就得,當笑話一則。」
採訪:梁錦雯
攝影:仇志德
empty
Sammi自言非愛鑽石的女人,婚戒只要一個簡單的銀圈已足夠。