八方喺舊年提過有一個由滙豐銀行贊助教中學生做生意嘅計劃。經過八個月嘅時間，由四百五十個學生組成嘅二十五間公司終於畢業公布業績，其中由嘉諾撒聖心商科學校「經營嘅生意」，獲得最佳表現獎。嘉諾撒聖心學生搞嘅公司叫做Unique，主要係做首飾生意，賺女人錢。
嘉諾撒聖心嘅陳姵妏，同埋華仁書院嘅蕭奕羚同學，將會代表香港，喺今年八月出席喺加拿大舉行嘅國際成就計劃交流會議，八方喺度恭賀佢哋。負責舉行呢個活動嘅國際成就計劃香港部向八方透露，今年九月會再次推出呢個計劃，到時學生公司嘅數目會加一倍，到五十個，等多啲學生可以參與。
（圖）「最佳表現獎」得主嘉諾撒聖心商學書院嘅Unique同埋其義務商界顧問及老師一齊慶祝。圖中為銀行工商業務環球業務主管梁高美懿。


傳真︰2623-9278
電郵︰[email protected]