當年今日

借世盃熱潮 反吸煙變運動Show
Twins提早揭開德法大戰

蘋果日報 2002/05/30 00:00


Twins、方力申和陳文媛等前晚在會展行catwalk,宣傳反吸煙,鍾欣桐穿上德國波衫,蔡卓妍則穿上法國波衫,在世界盃舉行前,預演一場德法大戰。
晚在灣仔會展舉行的無煙草系列運動服時裝表演,出席任模特兒的圈中人陣容鼎盛,包括Twins、何韻詩、谷祖琳、張燊悅、黃伊汶、陳文媛、方力申、Shine和EO2等,他們穿起運動裝,活力十足。現場觀眾約有三千五百人,而不少港台DJ亦有出席,包括梁繼璋、Kawaii和杜雯惠等。

邊行邊踢腿
其中較為突出的運動裝造型,是谷祖琳的滾軸溜冰裝束、陳文媛的劍擊裝束、Shine成員徐天佑的軍佬裝和黃又南的飛虎隊造型,而人氣偶像Twins則以足球裝出現,蔡卓妍穿上法國波衫,而鍾欣桐則穿德國波衫,提早上演一場德法大戰。
張燊悅亦穿上美國NBA芝加哥公牛的前成員柏賓三十三號球衣上陣,至於穿上柔道裝束的何韻詩,更邊行邊做出踢腿動作,又大演踩滑板絕技,十分有型。惟DJ杜雯惠因穿貼身運動熱褲關係,而不慎「現形」。

蘭子叫錯名
眾星在台上行完騷後,便逐個講吸煙的壞處和呼籲大家不要吸煙,在輪到黃伊汶時,司儀陳淑蘭說:「𠵱家叫Mango(王秀琳)出嚟講。」黃伊汶照樣企上前,但卻不說話,陳淑蘭又說:「Mango不如你講吓啦!」此時另一位司儀周國豐睇不過眼說:「人哋唔係叫Mango,唔好以為姓黃就叫Mango先得㗎!」蘭子知道搞錯後即刻講不好意思,但黃伊汶仍一臉尷尬,事後黃伊汶卻稱自己不覺尷尬,並說:「我一向知道佢鍾意搞笑所以唔會介意,冇嘢嘅,我份人好豁達嘅!」
採訪:胡比
攝影:馬啟然