今日係2002年嘅第二日，唔經唔覺又過咗一年，老土啲講句，大家都好應該為未來一年籌劃吓，所以今日小記特別搵咗麥嘜同麥兜嚟提提你，而方法就係利用麥嘜2002月曆Wallpaper，如果將佢布置成桌面圖案，咁就可以日日開電腦時提醒你啦！
呢套麥嘜月曆一共有12款，每款代表咗一個月份，雖然佢只係由熱心網友所設計，但張張都設計得非常精美（最近新聞組有人投訴官方網頁未有2002年年曆，唔通麥嘜掛住去咗拍電影？），另外網站內重有大量e-Card，趁住今日係新年，用佢嚟同遠方嘅親朋拜個年吧！
方法：下載Wallpaper→右Click桌面→點選「內容」→點選「背景」→點選「瀏覽」→點選麥嘜Wallpaper路徑→點選「開啟舊檔」→點選「套用」→點選「確定」。文：姚偉傑
網址： http://www.mcmugclub.com/