統計處美化失業率? - 李八方

蘋果日報 2002/03/20 00:00


政府公布去年十二月至今年二月之失業率為百分之六點八,雖然較上次微升零點一個百分點,但與預期過七相比,已屬「好消息」。
八方昨日到中環食晏,席間有研究失業率之專家話,千祈咪太開心,升勢放緩只因統計處作了季節性調整,若看未經調整之數據,升勢依然。不過他亦指出,上一次失業率突然大幅升至百分之六點七咁驚嚇,亦係因為季節性因素。至於未來,佢估計唔會見八,因為到了七、八月,調整因素會變成負數,有助拉低失業率。
呢類咁深奧問題,真係要統計處官員解畫,身為打工仔,失業率當然愈低愈好,以香港咁低水平之社會保障,百分之四失業率已經好嚴重。


E-mail:[email protected]