踏入公元3000年，飽受污染的地球已無一寸淨土，幸存的人類只有依靠高科技建立起完全與外界隔絕的城市，帶着末世的心情生活下去，新一代Sci-FiMMORPG《Neocron》的故事，亦由此展開。
《Neocron》和一般MMORPG最大分別，是首度引入第一身射擊的概念，省卻傳統的指令方式，讓玩家直接手握槍械和武器殺敵，又或者運用PSI力量施展如魔法般的程式攻擊對手，論臨場感自然更加激。講到操控方面，遊戲的介面設計亦存在極強《SystemShock2》的影子，操控簡單之餘更帶給玩家絕佳的Cyberpunk感覺。
經過幾日歷險旅程，筆者覺得最新推出的Beta4都算幾穩定，同夕陽之作《AnarchyOnline》相比可謂天淵之別。遊戲除咗第一身射擊好玩之外，重加入咗大量現實生活元素，例如地產同股票買賣便是其中一二。賺到錢買間超豪華Apartment自然唔少得，鍾意四圍去嘅朋友重可以整番架靚車（甚至坦克）威吓，最搞嘢係隻Game連紅燈區都有埋，絕對要立即Download試試佢。
文：方樂鵬