海外車訊：標緻807 實用多變MPV
全新造型成賣點
標緻807嘅造型設計，明顯要較原有806車系來得吸引突出；除車首造型與同廠206或307車系相似，同樣採用低斜頭燈配搭外，闊大車窗設計亦可給予車上乘客有更佳嘅視野範圍。另外，807亦與其他現有嘅MPV一樣，同樣採用雙趟門設計，配合低地台車廂配搭，乘客進出車廂時變得更見方便容易。
車廂多變富實用性
至於車廂布局方面，807亦同樣來得實用多變；當中車內嘅座椅可按閣下需要而收摺放平，以增加尾廂載物容量之餘，一雙前座更可作180度調轉，配合將中排座椅收摺後，更可營造出郊遊玩樂不可缺少嘅休憩地方，而車頂三天窗配搭，更可給予車上乘客有更多親近大自然嘅機會㖭。設備配搭方面，807又備有原廠冷氣、高級音響、中央門鎖、門邊電鏡及車門電窗等等，兼且鋪排得簡潔有序，使用十分方便。
引擎配搭選擇夠多
而廠方又為選擇807嘅用家，提供多台電油引擎作選擇，當中包括有2.0及2.2公升直4，以及頂級版所採用嘅3.0公升V6型號；當中3.0公升V6引擎嘅馬力輸出高達210ps/6000rpm，而扭力則為29.1kgm/3750rpm，配合出色嘅懸掛系統，及剛度十足嘅車架，因而令行車表現更見出色。