樂隊LMF的新歌《再見型過籠》的歌詞似是影射近日犯官非的謝霆鋒。歌詞提到「可能你一心要做到自己型到死……家陣全世界睇住你捉蟲……七色檸檬頭，但係過咗期」。而霆鋒的花名恰巧是「檸檬」。

謝霆鋒因「頂包案」被廉政公署以串謀妨礙司法公正罪名起訴。向來以諷刺社會現象唱出普羅市民心聲的樂隊LMF，最近推出新歌《再見型過籠》，歌詞內容似是影射近日犯官非的謝霆鋒，而LMF樂隊成員亦直認有一班圈中藝人的行為令他們覺得睇唔過眼。

霆鋒髮型多變
《再》歌詞中提到「你老母生到你咁嘅款，唔使憂柴憂米，你梗係冇皇管……可能你一心要做到自己型到死……嗱，家陣全世界咪睇住你捉蟲，再見嘞，型過籠……」，又說「你再惡也需要求饒，你好命，你有老竇照……七色檸檬頭，但係過咗期。」謝霆鋒其中一個花名正好是「檸檬」，而霆鋒一向髮型多變，又常染髮。

「真係睇唔過眼」
LMF日前到港台接受訪問，對於新歌歌詞影射謝霆鋒，樂隊成員Davy說：「我哋嘅歌詞係包括咗一大班人，唔係針對某一個人。不過有班圈內人我真係好睇唔過眼，但我唔會指明係邊個，其實唔止謝霆鋒一個，可能佢呢排出位，你先覺得寫緊佢。」
問到怕不怕謝霆鋒亦寫歌來反擊他們，Davy說：「冇問題，我有乜得罪你，咪寫番首歌潤番我哋囉。如果佢咁做就重戇居，我又冇指明係佢，做乜攬上身，咁就要自己反省吓。」
採訪：胡比、蔡如玉　攝影：胡比