2019年相信是不少香港人不敢、亦不能忘記的一年。在關係錯綜複雜的娛樂圈，不少從業員及藝人歌手DJ等均因為諸多難言之隱，不能亦不敢公開說出心聲，不過曾參與罷工的商台一眾台前幕後，似乎聽見了香港人的呼喚，今屆叱咤樂壇流行榜頒獎典禮雖然取消實體頒獎禮，但在今晚播出的節目中，不難看到一眾商台員工對社會的怒吼。

今晚的「2019年度叱咤樂壇流行榜頒獎典禮」節目中，穿插了不少支持抗爭的暗喻及明喻，節目播出的片段中，不少讀白似乎都包含了其他意思，如「2019年我學識好多嘢...都唔係必然」、「好多人約埋喺商場唱歌，今年多咗好多歌手」；又有DJ在街頭高舉寫上「你記唔記得上年最開心係邊日」、「你記唔記得你有幾多晚失眠」等標語的紙牌、有一男一女用原子筆「拖手」的畫面，當有份角逐「叱咤生力軍」獎項的一眾本年度樂壇新人聚首作出表演時，DJ Colin意有所指說：「直至今年夏天，我哋知道，年年考第一，並唔係最重要。」

最後，林海峰一段語速飛快的讀白最為「直線抽擊」，林海峰以「何以」二字為題讀出：
何以
何以你今晚會安坐家中睇叱咤？
何以今年嘅叱咤一個現場觀眾都冇？
何以過往嘅叱咤現場投票會變成今年嘅網上投票？
何以你每年實睇嘅頒獎禮，今年會冇咗個實體頒獎禮？
何以一人一票喺呢個地方係變得越來越矜貴？
何以明明千載不變嘅音樂肯定，最後個獎座會落喺一堆垃圾裏面？
何以今年有咁多場大大小小嘅演唱會都要一一取消？
何以有人話要放棄一代年青人，但係花姐就要一手湊大MIRROR一班年青人，仲要將佢哋培育到入圍我最喜愛組合？
何以屯門公園嘅娜娜歌精舞勁，肥媽首歌唱到街知巷聞，但係佢哋就冇入圍我最喜愛女歌手最後五強？
何以有人敢唱人話，但係就有人唔肯講人話？
何以今年去商場唱歌係流行過去K房唱歌？
何以一首廣東歌可以令你感動、安慰、鼓舞、落淚，甚至係會恐懼？
何以你可以將你曾經最喜愛歌手嘅唱片打爛變成碎片？
我哋嘅樂壇何以為繼？
2019 何以 完

2020 和你最喜愛的男歌手 和你最喜愛的女歌手
和你最喜愛的組合 和你最喜愛的歌曲
和你最喜愛的人 和你最喜愛的地方
和你一起 和你學習 和你祝福 和你祈求
和你投

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇