當年今日

港日荷蘭擁躉難得聚會
古仔帶隊釣蝦Fans攬到實

蘋果日報 2002/08/02 00:00


古天樂應「偶像齊齊玩」的邀請,上周五和十二位《蘋果日報》讀者,於九龍城啟德釣蝦場聚會,當中更有來自日本及荷蘭的擁躉。部份fans更熱情地攬着古仔。
古天樂(古仔)上周五出席本報娛樂名人版舉辦的「偶像齊齊玩」釣蝦活動,古仔與十二名fans分成兩組比賽釣蝦,雖然大部份fans都沒有釣蝦經驗,不過大家均很雀躍。

炮製蒜茸蝦
比賽正式開始,古仔首先有蝦上釣,可惜因他用力過猛,將釣竿連大蝦「扯」至半空,直撞天花板,令大蝦跌回池中,氣得古仔即場「生蝦咁跳」,fans亦只空歡喜一場。幸而古仔成功釣得兩隻大蝦,帶領隊員以總蝦數九比五勝出。比賽過後,大家將辛苦釣到的「戰利品」炮製成蒜茸大蝦,與古仔一起分享。
Fans難得與古仔聚首,當然不會放過與偶像合照和拿簽名留念的機會。古仔與fans拍照期間,有fans主動攬實古仔,借意親近偶像,古仔亦十分大方,任攬唔嬲。

fans層面廣
古仔對於今次與fans聚會十分開心,他說:「雖然我拍戲都有釣過蝦,不過同fans一齊釣都係第一次,佢哋好斯文,好nice,今次啲fans乜嘢年齡同乜嘢國籍(日本、荷蘭)都有,我𠵱家先知我啲fans嘅層面咁廣。我同佢哋傾偈,可以更了解佢哋,佢哋又可以了解番我,感覺真係好好。」
採訪:羅慧敏、汪正文 攝影:仇志德
場地提供:九龍城啟德釣蝦場