體操呢個項目可以話係後生仔女嘅世界，年過20歲都有機會俾人話係老將，去到40歲就真係算得上「阿婆級」。不過，今年六月就41歲嘅烏茲別克女子選手祖索維天娜（Oksana Chusovitina），日前喺奧運體操測試賽以14.716分贏得跳馬亞軍，勢將破紀錄第七次喺奧運體操項目亮相，重有機會成為奧運史上最老嘅女體操選手。祖索維天娜曾先後代表蘇聯、獨聯體、烏茲別克同德國出戰奧運，仲喺北京奧運贏得跳馬銀牌㖭。