李司棋昨日往沙田新城市廣場，為某牌子的健康食品宣傳。昨日在場除吸引了過百名市民排隊等候與司棋姐合照外，影迷中更有老有嫩，其間亦有市民大讚司棋姐真人比上鏡靚。

曾長時間住院
司棋姐昨日表示，從朋友口中，得知張柏芝因籌款而飛車出事，弄致入院，她對此非常關心，司棋姐說：「我都有一段時間喺醫院裏度過，我好明白瞓喺張病牀度有幾辛苦，佢咁後生又咁靚女，希望佢快啲好番啦。」