大家唔好再踩香港係文化沙漠，皆因噚日《蘋果》的人物素描主角──八十多歲的國畫大師吳冠中，大讚今次香港藝術館籌劃他的作品展出人意表，成個設計簡直破解了他最個人的私隱，突出好多連佢自己都冇諗到的意念。由此可見香港重有唔少識得理解高雅藝術的專家。
館長司徒元傑同八方講，負責的同事都是精修藝術的專家，細心研究過吳老作品，展館的間隔都用電腦設計，連觀眾睇完邊幅畫就要轉彎都計算埋，務求令畫展顯露吳老的不同風格。
藝術館咁畀心機，唔怪得吳老為投桃報李，一口氣捐咗八幅大作畀香港藝術館。大家都知吳老最貴的水墨畫高達二百三十萬，是水墨畫公開拍賣的最高價紀錄。不過，禮物價值唔可以用金錢量度，藝術風格豁達反叛的吳老下周還會於維港表演「速寫」，已預告唔會乖乖照畫，而係會移山倒海咁重組維港景色。


E-mail：[email protected]