梅小惠昨日戴着口罩返無綫電視城拍攝《皆大歡喜》，原來小惠近日患上嚴重感冒，每日需服用中藥，她說：「中醫話我感冒菌入氣管，我怕自己會傳染畀人，所以喺戶外都會戴口罩。不過我戴口罩之後，先知俾人歧視係乜嘢感覺。」

續約一年
小惠續說：「噚日我去麥當勞幫姨甥慶祝生日，我帶住頂帽同口罩，又冇化妝，啲人一見到我即刻閃開，好似我有傳染病咁，但當我除咗個口罩之後，佢哋即刻話要同我合照，我只係唔想傳染畀人，所以戴口罩，希望香港人可以關心吓有病嘅人。」
另外，梅小惠下月底便與無綫約滿，她笑說：「啱啱同無綫簽咗一年新約，加幅都唔錯，所以病咗開工都冇所謂啦，而且𠵱家爆show嘅錢，比我底薪都多兩、三倍，已經好好㗎啦！」
採訪、攝影：王崇穎