【氣氛熱鬧】
渣打馬拉松是不少香港跑友的起點，但賽道兩旁盡是石屎森林。資深跑友Edkin極力推介東京馬拉松，觀眾熱情不在話下，「由你踏入東京開始，已經浸咗喺準備馬拉松嘅氣氛」。參賽者領取號碼布後更可參觀跑步展，規模直逼香港書展，「運動飲料、跑鞋任試，可行足一日」。

「氣氛香港感受唔到」

他說，平日去東京旅行不會有機會繞着城市，跑過所有地標，因參賽時故意慢跑，「唔想咁快跑完」。台灣、印尼峇里等地的賽事未必很成熟，但觀眾熱情起舞打氣，「喺香港你感受唔到」。倫敦馬拉松水平高，他至今未成功抽籤，「夢寐以求，點都想試一試」。
Edkin說，部份海外賽事須提早半年甚至八個月報名，初哥很容易錯過，「但試過一次，下年就識預時間，自己報名其實都係樂趣」。他說，如首次去某地方參賽，應上網搜尋或直接請教其他跑友心得，「連戈壁沙漠同北極都有人跑過」。如去熱帶地方參賽前，應在港選擇特別熱的時候操練。
《蘋果》記者

識睇　一定睇蘋果嘅足動世盃：
http://worldcup2014.appledaily.com/