【壹週刊】大家去馬來西亞，多數都係喺街邊買榴槤食，呢次小雲同雅霏就會帶大家去文東，即摘即開即食最出名嘅貓山王榴槤，夠晒風味！而唔聞得陣榴槤味嘅小雲，就一早已經走咗去百米以外嘅地方避難喇！

咁辛苦就要上同樣位於文東嘅情人瀑布唞吓氣喇！情人瀑布被森林包圍，大樹參天，景色非常優美，好多當地人閒時都會嚟野餐。而由於嗰度嘅山、地、水形具備咗各種越野運動嘅需求，所以都吸引咗唔少人喺度進行比賽，好似越野登山賽，越野四驅車賽等等。鍾意大自然嘅你，第時去馬來西亞又有多樣嘢玩喇！

食飽hea完，小雲同雅霏就去探訪當地土著家庭，望見啲小朋友雖然物質匱乏，但依然活得開心，佢哋呢兩個城市女孩都有好大反思！

iPhone App免費下載： http://bit.ly/nextplus_iphone
Android App免費下載： http://bit.ly/nextplus_android