當年今日

燒畀過世女友
癡情漢想買紙紮B女

蘋果日報 2006/10/13 00:00


思念,可以令人做出很多儍事。情深的捱花轎BOYZ在香港討論區請教網友,希望大家介紹一些新潮的紙紮舖,「有冇人知紙紮舖是否識紮Blythe公仔?想在她生忌送一個畀佢,不是說笑,是認真的。」
燒個洋娃娃給女朋友以慰她在天之靈,真是既感性又有創意的構思,Persona理性地說,「紮出嚟都唔靚啦,師兄買隻燒落去好過啦,有錢的話。」捱花轎BOYZ坦言曾作此考慮,但「驚啲膠燒出毒氣來。」麥叔叔支持癡情男,「佢哋咩都識,你可以畀個樣啲師傅睇,我諗難唔到佢哋,不過你畀多啲時間佢囉。」carrrrie則說訂做紙紮品好貴,「同埋似唔似又係一個問題。」
上環鄭權記紙號負責人鄭兆輝表示,若顧客提供洋娃娃樣辦供師傅參考,師傅可做一個紙紮Blythe,需時約兩至三天,價錢大概300元,他說近年紙紮師傅曾手做不少新款祭品,紙紮公仔不算高難度產品。
大頭大眼多Fans
近年風靡萬千少女的Blythe最大特徵是有一個大頭及一雙大眼睛,喜好她的Fans綠暱稱她為B女。這個身高僅12吋的洋娃娃於1972年在美國俄亥俄州的辛辛那提面世,因不受歡迎一年後停產,直至近年有收藏者為她推出影集才令她忽然起死回生,更成為潮流玩物,價格由原價數百元搶高至逾千港元,一些限量牌款式炒價更高達5,000港元。