有人話大陸官員做事無效率，但有時會被佢哋啲效率嚇親。話說大陸首富劉永好昨日在港出席首屆中國民企發展論壇，劉永好前日下晝一點在四川成都準備上飛機來港，赫然發現護照留在北京。「我給公安局打了個電話，他們幫我辦臨時證，結果趕上了下午二時半的飛機。」這種「效率」，八方有啲保留。
不過他的男秘書羅潔，就沒有首富的待遇，未能陪同來港，所以劉永好昨日隻身面對半百記者，其間一名紅衣女郎在旁殷勤侍候，時而幫他斟水，時而幫他拿公事包，還陪着劉永好到鳳凰衞視接受訪問。
在場人士都以為這名紅衣女郎是劉永好秘書，劉永好則以為是大會派給他的臨時秘書。
八方初時都中計，後來見到紅衣女郎不斷叫人用她的相機與劉永好拍照，頸上掛着的是出席證而非工作人員證，細問之下才知道她是鄭州伊翔實業發展的總經理崔霞，這個紅衣攝石人功力，蕭亮肯定自歎不如。
紅衣攝石人已經大功告成，因為在場不知幾多嘉賓想同劉永好合照。當中包括「上海姑爺」羅康瑞，中港兩個新「好男人」昨日首次碰面，八方問羅康瑞覺得邊個吸引啲？羅康瑞叫八方唔好玩佢。
如果論身家，「上海姑爺」當然唔及首富，但係劉永好同夫人李巍打風都打唔甩，反而「上海姑爺」係「MBA」（MarriedButAvailable），睇嚟紅衣攝石人似乎押錯注。
（圖）中國首富劉永好（左）無端多了位紅衣女「秘書」。


E-mail：[email protected]