吳文忻、蕭定一唔夾口供

蘋果日報 2005/05/20 00:00


吳文忻日前被雜誌指她撬李彩華牆腳,與蕭定一過電,前晚吳文忻與蕭定一結伴到會展欣賞《愛你把幾火》首映,二人雖然一同前來,但分開入場,而且還口供不一。
「怕俾人話博宣傳」
吳文忻指自己跟蕭定一只是碰巧撞到,但蕭定一卻謂:「我哋上個禮拜約埋嚟,嗰陣都未有單新聞,我哋行得正企得正,無事不可對人言。」不過當他得悉吳文忻說謊後,就撐她說:「佢怕俾人話博宣傳啫。」
有記者提到她與蕭定一的緋聞,吳文忻說:「我哋邊有過電?𠵱家就行雷閃電,都黐線,我哋識咗好耐。」問吳文忻與男友婚事延期,可是受這次緋聞影響,她說:「唔會,我男友都識佢。」
採訪、攝影:馮美茵
empty
吳文忻與蕭定一(圖)前晚齊看首映,但就前後腳入場。