當年今日

瞌眼瞓小子數議員不是

蘋果日報 2003/08/25 00:00


「我唔係學啲議員開緊會瞓覺,只係呢幾日參加咗好多活動,頂唔順,先至瞓一陣。」在議事堂內睡着了的李權浩向記者表示,絕對尊重立法會的會議規定,也知道在議事堂內睡覺是不對,但他沒以「議員瞓得、我點解唔瞓得」作解釋,還娓娓道出對特首董建華及一眾「出位」立法會議員的感覺。
將升讀沙田聖心書院中一級的權浩表示,董建華的施政對否很難評價,但卻一語道破董建華的議而不決是最大的問題所在。「好似處理沙士反應慢、八萬五房屋政策改咗又唔出聲,重有好多、好多。」

「我識豎中指嘅黃宜弘」
權浩又說,因不是他投票支持董建華做特首,所以董下台否與他無關。此外,年僅十歲的權浩亦論盡「出位」的立法會議員。「霍震霆好似冇乜去開會,佢好似有好多其他公職,佢應該只專注做一、兩份;豎起中指嘅黃宜弘我都識,佢重差過我瞓覺。」權浩又毫不猶豫地說:「我大個都會做議員,代替啲唔盡職責嘅議員。」
本報記者