八方噚日話達仔隱瞞煲呔針鄭大班有關周三辯論政改速戰速決嘅策略，好多人都覺得大班一定好唔高興，莫非班友仔真係信佢唔過，怕佢通水？
達仔都驚出事，馬上同八方解畫，佢話，同湯大狀以及卿姐傾策略，唔只冇講大班聽，其他二十二人都係星期三先知，民主黨就喺早上十點獲知會；泛民就喺中午飯盒會被通知，但係大班冇出席，講唔到佢聽。到咗下晝喺立法會大家傳紙仔，大班唔喺位，於是達仔大約三點撞到大班，先有機會親口同佢講，希望大班唔好嬲佢哋。
達仔又話，佢暫時唔會搵煲呔，等佢下咗火，冇咁火遮眼先啦。話就話等件事過咗再講，但係達仔哋又要煲呔做信鴿幫佢哋遞信，真係幾難為佢老哥。𠵱家輪到達仔叫煲呔做人要以大局為重，要包容，因為佢份述職報告點寫好關鍵，一定影響阿爺判斷。


爆料熱線：29290000、27860099
報料傳真：26239278
報料電郵：[email protected]