有熟悉梁的建制中人直言,以梁性格「一定唔服輸」,「全世界都知佢一手阻港視發牌,佢一定唔會因為法庭裁決讓步,必定頂到底、拖得就拖」,但如此一來,只會再進一步令公眾覺得,梁以一人決定凌駕制度、甚至法庭決定,「更加畀反對派有藉口攻擊政府,係人治而非法治」,同時令建制派更加尷尬,「(建制派)上次撐政府反對發牌,𠵱家已經俾法庭裁決打一巴,如果𠵱家仲撐,唔通叫建制派連法庭都鬧?」
另一名政界人士更估計,若梁振英企硬不理法庭裁決,不肯「認輸」向港視發牌,「萬一再引起民憤,搞搞下撈埋反政改單嘢,隨時又俾反對派燒埋去政改,政府仲點打民意戰?」
■記者莫劍弦