「水患」困擾貧家缺維修費

蘋果日報 2002/10/06 00:00


四十一歲任職保安員的阿惠,育有兩名分別十四歲及十七歲的兒子,每月入不敷出,須節衣縮食過活。一年多前,家中廁所的喉管及坐廁因日久耗損出現裂縫,經常漏出大量鹹水,她曾多次不小心跣倒。近日,她發現浴缸的底部亦有裂痕,出現嚴重漏水的情況。飽受「水患」影響的她,生活貧困,實無力支付約一萬元的家居維修費用,急待援手。
「每個月都唔夠使,重要拎萬幾蚊出嚟維修,真係冇可能,就算儲都要儲幾年;呢幾個月見到邊條喉管漏水出嚟,咪惟有即刻用啲英泥塞住個窿,試過幾次啲水滲滿晒廁所地板,真係好驚啲喉隨時會爆,浸濕晒間屋,到時都唔知點算。」憂心忡忡的她無奈地說。

污水滲出客廳
阿惠的丈夫阿明任職酒樓侍應十多年,乃家庭的經濟支柱,婚後,她則留在家中相夫教子。受經濟不景影響,前年其夫遭裁員失業,令一家四口的生活陷入困境,三餐有賴親戚接濟。
為了生計,夫婦四出找工作,兩年前,阿惠找到一份保安員的工作,月入約五千多元,而其夫則兼職酒樓侍應,收入不穩。每月扣除數千元的基本伙食開支之外,還要應付孩子的書簿雜費及午膳費用,經濟緊絀。
「就算我點慳自己唔食,兩個細路都要食㗎,𠵱家買十蚊瘦肉、買一斤菜心,都會分兩、三餐食,知道咁樣對個仔係好冇營養……佢哋開學咁耐,我都冇零用錢畀佢使,好彩佢哋明白屋企嘅環境。」雙眼泛紅的阿惠歎道。
在該單位住了十多年的她表示,一年多前,廁所的數條喉管出現裂縫,她便用英泥修補缺口,但沒有改善,近日,浴缸的底部亦出現裂隙及漏水現象,污水更滲出客廳及睡房的牆壁。
「廁所水喉管爆咗咁耐,啲水重漏落樓下單位,成日俾人投訴,叫過師傅嚟睇,佢哋話要快啲拆咗個廁所同埋浴缸,重新換個啲喉管,若果條喉再爆多一次,到時全屋水浸,後果就不堪設想。」愁眉不展的她向記者細訴。
阿惠一家盼獲善長捐助有關費用,令生活得以改善。捐款編號:C0709

暖流熱線
電話:29908688
傳真:23702192
電郵:[email protected]
網址: http://www.charity.atnext.com