同時入選為「廸士尼公主星級配對」選舉的AmandaStrang及貝安琪，昨日分別在中環出席活動。Amanda表明嫌白雪公主服飾不夠漂亮，但做美人魚又「冇大波」，貝安琪則指自己從未扮過公主，只做過七個小矮人其中一角。

名模AmandaStrang及貝安琪昨日分別出席活動，前者在中環四季酒店出席凱歌香檳酒莊活動，後者則在中環ifc出席鞋履活動。AmandaStrang昨日接受訪問時帶着幾分醉意，她說：「因為我之前做咗幾個訪問，都係關於呢支香檳，計埋𠵱家我已經飲咗四杯香檳落肚啦。」問她喝醉酒會否失常？她說：「通常我會係唔係都笑一餐，所以行騷時如果有人畀香檳我飲我一定唔制。」

彈公主服唔靚

再問廸士尼舉辦「廸士尼公主星級配對」選舉，讓網友選他們心目中的白雪公主，Amanda說：「好開心，咁就等大家揀啦，不過我就嫌白雪公主件衫唔夠靚。」記者指她大可考慮扮美人魚時，她即說：「我冇大波嘛。」她又指自己和大部份女孩子一樣，都是看廸士尼的故事成長，但最心儀的卡通人物卻不屬於廸士尼，她說：「我最鍾意反而係辮子姑娘。」

自幼扮小矮人

再問早前有雜誌拍到其男友與一女子拖手夜蒲，Amanda說：「我冇唔開心、都冇妒忌，雖然妒忌係可以增加兩個人感情，但係如果成日妒忌，會係一個好麻煩嘅人。」
另外，Amanda完成香檳活動後，即往探望在ifc出席鞋履活動的老友貝安琪，對於入選廸士尼公主選舉，貝安琪笑謂當然希望能當選，她說：「不過由細至大我都冇扮過公主，反而扮過七個小矮人其中一個。」
採訪、攝影：GeneNg、JessicaNgan