30吋長意粉煮得溫柔
提起意大利呢個國家，必定會想起佢哋至出名嘅食品「意粉」，但你有冇見過有成30吋長嘅意粉（差不多有一把直身雨傘嘅長度）？而咁長嘅意粉煮時，唔想佢斷重要好講技巧。今次請嚟住喺香港嘅意大利人PaoloA.Donati，為大家示範煮特長意粉，唔想煮斷佢，最重要係溫柔，另外重會介紹數款特別味道意粉嘅食法！佢重開咗幾間專賣意大利食品店舖，全部直接入口㗎！今次嘅材料有啲重可以喺佢店舖買到㖭！
記者：葉少萍 攝影：楊錦文
示範：PaoloA.Donati
場地提供：LaPiazzetta
地址：中區俊榮里5號地下（25229505）
意粉供應：VivaItaliaItalianSupermarket(25546203)
番茄醬特長意粉
呢款意大利粉有成30吋長，喺一包裏面有三種口味，有番茄、菠菜及全麥，煮熟後入口不但充滿番茄、菠菜及全麥味，意粉重好煙韌，佢重可以配多種不同醬汁拌食，不過以配番茄肉醬就最好食，同埋夠晒傳統，不過喺處理時要好小心，如果唔係煮好後，意粉就會斷晒。
材料：3人分量
長意粉100克
甘笋30克(切碎)
芹菜30克(切碎)
洋葱30克(切碎)
碎肉30克
番茄醬100克
迷迭香少許
小貼士：
最理想是用木製廚具。切勿選用鐵製類廚具，好容易將意粉切斷。
紅酒味意粉配肉醬
採用了紅酒製成的闊意粉，入口煙韌兼有一陣陣紅酒香味，而想意粉更好味，以肉醬加紅酒製成的醬汁就最能將佢的美味引出。
製法：2人分量
1.半煲水滾後加入紅酒味意粉6個，煮約5分鐘去水備用。
2.起鑊落約1茶匙橄欖油，加入碎肉30克炒至半熟，加入番茄醬100克略煮。
3.再加入甘笋碎、芹菜碎各30克同煮，後加入洋葱碎30克、紅酒少許煮至滾成醬汁。
4.加入紅酒味意粉，邊煮邊撈勻，煮至再度翻滾即可。
小貼士：
紅酒分量不能太多，過多會令意粉味過酸。
蘑菇味意粉配素菜醬
入口質感與一般闊意粉無異，只是多了一陣輕輕的蘑菇香味，醬汁選配要特別小心，如果唔係會將蘑菇味覆蓋晒，最好配以蔬菜製成的醬汁，及加幾片菇菌乾，不但不會將蘑菇味覆蓋住，反而將之引發出來，味道清甜可口，最適合素食人士。
製法：2人分量
1.半煲水滾後加入蘑菇味意粉6個，煮約5分鐘去水備用。
2.起鑊落約1茶匙橄欖油，加入蒜頭碎30克、芫荽碎30克炒熟，加入番茄醬30克同煮。
3.滾後再加入菇菌乾30克、白酒少許同煮至滾成醬汁。
4.加入蘑菇味意粉，邊煮邊將之撈勻，煮至再度翻滾即可。
小貼士：
除可選用菇菌乾外，亦可用鮮蘑菇一起煮，一樣咁好味。
鴨肉香草醬汁蜆殼粉
雜菜味特大蜆殼意粉，不但外觀得意，更有幾種味，如菠菜、番茄、紅椒、黃椒等，煮熟後滲出淡淡蔬菜味，最宜配合濃味的汁料。配用鴨肉、甘笋、芹菜、洋葱及意大利傳統香草醬Pesto等製成的醬汁拌食尤其好味，入口不但意粉煙韌好味，而以鴨肉為主製成的醬汁，夠香夠滑容易入口。
製法：2人分量
1.半煲水滾後加入特大蜆殼粉100克，煮約8分鐘去水備用。
2.起鑊落約1茶匙橄欖油，落入碎鴨肉80克炒半熟，加入Pesto醬50克同煮。再加入甘笋碎30克、芹菜碎30克同煮，最後加入洋葱碎30克煮至滾成醬汁。
3.加入特大蜆殼粉，邊煮邊撈勻，煮至再度翻滾即可。
小貼士：
意大利傳統香草醬Pesto，可以喺各大型超市購買到，約$30-$40一樽。