著衫除咗講求著得好唔好睇外，有時都要睇場合嘅，好似今晚第三屆北京國際電影節閉幕禮，眾多名人紅星現身，包括劉德華﹑林志玲﹑謝霆鋒﹑奇洛李維斯﹑楊千嬅同成龍等等，都盛裝出席，不過鑑於近日四川雅安發生大地震，佢哋都著晒素色服裝亮相，以示對四川災民支持同祝福，不過曾同黃宗澤傳緋聞嘅內地女星柳岩，就拋胸上陣；「海潮」溫碧霞就仲誇張，著住條螢光粉紅裙出席，唔通佢屋企最素色就係呢條裙？