當年今日
【北京國際電影節】溫碧霞反高潮「螢」爆亮相
蘋果日報 2013/04/23 06:00
溫碧霞
正當大部份影星均以素色服裝出席閉幕禮時,溫碧霞就竟著螢光粉紅裙亮相﹗
謝霆鋒型到裂﹗
劉德華同林志玲都係黑色打扮亮相。
溫碧霞(右)條裙真係太螢光喇,反而阿嬌鍾欣桐今次著得幾好睇。
著衫除咗講求著得好唔好睇外,有時都要睇場合嘅,好似今晚第三屆北京國際電影節閉幕禮,眾多名人紅星現身,包括劉德華﹑林志玲﹑謝霆鋒﹑奇洛李維斯﹑楊千嬅同成龍等等,都盛裝出席,不過鑑於近日四川雅安發生大地震,佢哋都著晒素色服裝亮相,以示對四川災民支持同祝福,不過曾同黃宗澤傳緋聞嘅內地女星柳岩,就拋胸上陣;「海潮」溫碧霞就仲誇張,著住條螢光粉紅裙出席,唔通佢屋企最素色就係呢條裙?