最近日本東京電視台嘅《PUI PUI 天竺鼠車車》hit爆全城，唔只小朋友睇，連大人甚至政圈人都睇，覺得好治癒，咁自然多人抽水宣傳，好似紅十字會「熱血使命」、清潔龍阿德、CALL4VAN、九巴都喺facebook貼出二創天竺鼠車車貼圖，除咗捐血車車、救護車車、老鼠車車仲有天竺鼠van van。

紅十字會輸血服務中心「熱血使命」喺fb畫咗捐血車同救護車版嘅天竺鼠車車，圖片標題變咗「補充血庫大作戰」，原來出post嘅原因係血庫存量處於低水平，呼籲市民捐血。清潔龍阿德改咗個標題「Tak Tak清潔龍塞車車」，提醒市民要封好通風口，塞住老鼠車車咁話。CALL4VAN就話可以Call「天竺鼠van van」，網民就即刻問：「咁貼士畀塊生菜你？」八方建議如果要向《天竺鼠車車》致敬，不如試下落手落腳自製車車羊毛氈公仔，一定誠意十足。

李八方