當年今日

是日upload:老實打工仔送走花紅

蘋果日報 2006/10/13 08:00


「救命呀!我蠢咗嘞!」joanne02在UwantsForum留言,為自己做的一件蠢事懺悔,事緣他的老闆早前提出更改分花紅制度,明年起會每月出花紅,月月有多筆錢落袋,打工仔當然歡迎,怎料老闆貴人事忙,竟以為本月起便實行新發花紅制度,月初突然遞上一張支票給joanne02,稱是上月花紅,她竟樂極忘形,「我就好豬咁話,唔係話下年先有咩?」
一言驚醒老闆,隨即把支票收回,「就係咁,啲bonus就飛走咗嘞!諗番起真係恨自己太老實嘞!激氣!」她透露花紅有千多元,現時想起也非常懊惱。網友紛紛勸她睇開點,mmchu老生常談,「塞翁失馬,焉知非福。」eskw稱「話唔定因禍得福呢。」也有人建議她向老闆討回支票,paulchung917則讚她是好員工,「其實啲老闆最鍾意呢啲員工,如果你長做落去實有得加辛,辛苦個辛。」