已故樂壇天王米高積遜（MichaelJackson）嘅妹妹珍納積遜（JanetJackson），去年底宣佈押後演唱會《UnbreakableTour》，當時佢被爆聲帶有腫瘤，而且可能係惡性，所以珍納需要立即做手術，連巡唱都要叫停。

珍納今個月16日就滿50歲，休息約4個月喺3月底復工，不過當佢再踏舞台開騷冇耐，上月初又喺twitter宣佈要押後巡唱，佢透過短片公佈消息：「我同丈夫計劃組織家庭，所以我需要停止巡迴演出，希望你哋明白這對我好重要。聽取醫生勸告，我需要爭取休息，但我不會忘記你們，我會盡快恢復演唱。」

珍納同富豪老公WissamAlMana喺2012年結婚，上月已有傳佢積極造人，而今日英、美傳媒都話珍納已經成功懷孕，將做50歲嘅高齡產婦。