新鴻基地產副主席郭炳江（Thomas）噚日參加公益慈善馬拉松長跑，一向喜歡跑步的Thomas同八方講，之前佢都有參加過，不過今次就是連續第二年嚟跑，佢話去年起步時，被攝記拍咗佢除長褲換短褲的照片，今年有備而戰，甫落車已經短褲一度。
跑足全程後，郭炳江被其他來賓要求合照，其中一班女將重好熱情咁拖住Thomas對手要同佢影相，Thomas來者不拒，重笑笑口話：「好呀、好呀，今日老婆唔喺度呀！」
昨日個活動本來重有另外一位焦點嘉賓就係信興集團太子爺蒙德揚，八方搵勻全場都唔見佢，後來問主辦單位的公關，都話淨係見到信興的員工，唔見佢本人，可能係因為伯爺單離婚新聞影響，冇出席。


E-mail：[email protected]