當年今日

同Tiffany貼晒身

蘋果日報 2003/08/25 00:00


別想錯隔籬,有幸同Tiffany貼晒身嘅當然唔係你,而係佢無論去到邊都會跟身嘅四樣嘢!
八成粉紅
自小鍾意粉紅色,入行前更試過全身粉紅打扮。長大後,仍然覺得粉紅色係最靚,一入舖頭,看中的第一件貨品,一定是粉紅色的。但自從被人當面話過:「着粉紅色好娘!」之後,已不會如以往般PinkLadyLook示人,但全身仍有八成Pink,由耳環、眼影、背心、手袋、手鈪、鞋甚至襪都係粉紅色!
阿媽送手鈪
李媽媽一次在法國旅行時看中這隻只是DisplayOnly的手鈪,返港後,死心不息,走勻名店甚至二手舖,終於找到這條粉紅色的皮手鈪!又是粉紅色,難怪Tiffany愈說愈興奮:「係唔係名牌冇所謂,最緊要係媽咪送!不過,我都叫過佢唔好再送名牌畀我,我有錢可以自己買!」
empty
迷人大頭貼
Tiffany更鍾意講影貼紙相,重要唔會停:「個個一聽我話鍾意影貼紙相,一定覺得係好白癡,其實𠵱家貼紙相好有型啦,可以玩Effect,唔再係圍住幾個Cutie公仔咁老土!重有,影貼紙相好講相紙靚唔靚?你收藏得好唔好……」
empty
吉祥熊仔
22歲,雖然拍了本賣斷市的寫真集,但仍是名小女孩,連這隻風魔十來歲少女的熊仔Gloomy也是心頭好!「兩三個月前,重係好肥,無工開,日日行街,都不知是發洩定真係鍾意,一口氣買咗十幾二十隻,之後居然就有嘢做,重減肥成功,唔知係唔係佢旺我呢?」
empty