中環在線:冒險樂園冒險擴張 - 李華華

蘋果日報 2008/12/19 00:00


市道差都有商機?美國冒險樂園話經濟逆境時,市民更需要玩樂減壓,所以佢哋揀呢個時候擴充新店,喺北角和富中心租咗個萬七呎嘅舖位,仲話會趕喺聖誕前開幕。同時太古城分店亦重新裝修成「美國大街」主題。
美國冒險樂園噚日特別出咗個新聞稿,話經濟差咗,節日外遊嘅市民都少啲,多咗人留港消費同娛樂,對佢哋嘅生意會有幫助,所以逆市擴張,北角新店會用鐵路同火車做主題,單係裝修都花成千萬。
佢哋話家陣租金回落,舖位選擇多,明年會主攻人口密度高兼年輕化嘅地區,好似荃灣、沙田同粉嶺咁,預計明年上半年會開多4至6間分店。