當年今日

咪表車位遭濫用警方無符

蘋果日報 2003/12/28 08:00


從事運輸的林先生向本報投訴稱,他多次駕駛貨車到荃灣大屋街,欲將貨車停泊公眾咪表車位時,但均發現貨車位被人佔用,「好離譜,霸住個位又唔入表,當個位係自己嘅咁用」。他指,位於大屋街近沙嘴道的貨車咪表位,長期被旁邊的生果店佔用,「架貨VAN(客貨車)長期泊喺度,擺晒啲貨出嚟,又冇入表,簡直係據為己有。」
據林先生指,另一間肉食店亦有相同情況,「落貨時就泊架貨車喺度,幾個鐘都唔走,一走就將啲貨籃堆喺個位度,人哋想泊都泊唔到。」

「當個咪表位係舖頭」
另外居於附近的李小姐亦向本報投訴,指一輛收集廢紙鐵的貨車長期佔用其中一個咪表位,不但阻礙其他駕駛人士,亦將地方弄污,衞生惡劣,「架車好污糟,一陣臭味,重擺埋個磅喺度,好似當個咪表位係舖頭咁,唔明點解無人理。」
本報接到投訴後,曾多次到上址了解,均見投訴人所述車輛停泊車位上,除收集廢紙鐵的貨車有「入表」外,其他兩部均未有按法例規定「入表」。
停泊逾24小時才違法
本報將投訴轉介警方跟進,荃灣警區於調查後回覆表示,曾派員到上址視察,發現有一輛貨車確停泊在咪表位,據向在場的工人了解,他們乃受僱於一間廢紙回收公司,於上址車位不超過兩小時。根據現行法例,停泊公眾停車位超過二十四小時才屬違法。 (一二一二○○五)

意見:佔車位等同佔官地
立法會議員鄭家富指,公眾咪表車位被佔用情況十分普遍,尤以工業區為甚,當警方發現才會向有關人士發出告票,若無警員在場,就「冇佢符」,不少人士利用此灰色地帶,佔用車位。他認為,佔用車位等同佔用官地,若警方得悉某些地區或人士,長期佔用車位,且未有按法例「入表」,便應認真處理,除發出告票外,亦應採取嚴厲行動,聯同地政署等部門,向佔用官地人士採取行動。

服務熱線
電話:29908288
傳真:23702192
電郵:[email protected]