讀者Jason問：本人之座駕已一年沒有更換電池，其實車用電池是否需要保護呢？另若為座駕安裝射燈，又是否需要將電池加大呢？
Jason：現時市面上嘅電池大概分為兩種，一種係毋須入水嘅電池，而另一種就係傳統嘅加水電池；而毋須入水電池嘅好處就係唔使經常檢查，但相對地壽命只有約兩年，而電流輸出亦較弱，所以唔係太適合歐洲私家車使用。而呢種電池嘅頂部通常設有一小燈，用以顯示電力嘅強弱，一旦小燈熄滅，便需換新嘅電池；相反，傳統嘅加水電池需要每個月檢查電池內嘅水量，比較費事，但好處係電流輸出較大，壽命長兼價錢平。電池水方面，車主可自行以蒸餾水代替電池水，如果經常檢查的話，傳統電池嘅壽命更可長達三至四年咁耐㗎。
此外，若為車子加裝射燈，則需將車內嘅發電機加大，而唔係加大電池；最後更要注意一點，就係每種車所用嘅電池大小都有特定體積，不能裝上非原廠指定體積嘅電池。所以若要更換電池的話，就最好畀車房師傅代勞喇。

如大家對汽車有任何問題，可傳真或來信畀我哋，我哋會盡快為你解答。
傳真：27420542
郵寄：香港將軍澳工業邨西駿盈街八號《蘋果日報》副刊「車天車地」版「汽車Q&A」收。