「福毅」在港跑咗三場都係1200米，一出就喺四班由頭放到尾大勝，上場排外檔起步已經見韋達要推幾步先跟到好位，落腳已比早前冇咁快，係時候開始增程，上仗贏完之後收埋操成個月，期間有贏馬路程都唔報，唞番一個月再出，同之前幾仗手法一樣，一個月跑一次，等隻馬慢慢成長，一心等跑今仗1400米。呢啲大舊飯，佢跑一步等於對手要跑兩三步，今次增程步速冇咁快，大步馬早段唔使鬥搶，預期可輕鬆守好位，上場兩三步就衝贏「一馬當先」，後駒再出再上名升到75分，「福毅」仲係70分點會有阻力。復課繼續積極打磨，隔兩三日就一課快跳，周一韋達喺草地跳番課，輕鬆到不得了，韋達唔放手話晒你知仲有得贏。

詳盡內容可留意明日<<蘋果日報>>及蘋果馬網 http://hk.racing.nextmedia.com