容祖兒（Joey）今日離港到美國、英國和日本三地，展開為期兩個月的進修課程。她昨日最後衝刺，出席在沙田新城市廣場舉行的「NikonF55繽紛世界試映會」，吸引過百歌迷到場。Joey又跟fans玩遊戲，氣氛熱鬧。
游水練身形
其中一個忠心fans，昨早便到Joey整理頭髮的髮型屋守候偶像，Joey對此說：「個fans好熱情，重擁抱我同我媽咪，個膊頭撞到我啲牙㖭。」對於即將離港兩月，Joey說：「我希望唔會浪費呢兩個月時間，我會好好保養聲線同身體，我重希望可以有機會學游蝶式，咁樣身形會靚啲。農曆新年雖然唔喺香港過，但係我會切蘿蔔糕慶祝。」
行李兩大喼
歌迷因十分不捨偶像，除了在活動上大叫偶像的名字外，還在Joey離開時狂追偶像。有些fans甚至不理會現場情況，紛紛衝出馬路追Joey乘坐的保母車，情況驚險混亂。
Joey昨日表示已執拾了行李，她說：「我大概執咗兩喼行李，平時出埠，都係媽咪同我執，今次媽咪同我一齊去，有佢照顧我。」一直希望練好跳舞的Joey又說：「我計劃去日本向安室奈美惠嘅老公Sam學跳舞，搵佢私人教授，我諗要幾十萬日圓一堂，希望可以學好啲舞。」
採訪：陳儀敏 攝影：陳偉權