謝霆鋒新碟《MeNic》昨日推出，唱片封套及內頁照片全是他的自拍照，其中幾張相更是在其家中的睡牀、電視組合櫃前及衣帽間取景，實行家居大曝光。而霆鋒舊作《玉蝴蝶》的靈感泉源、植物「玉蝴蝶」，亦首度曝光。
六月開攝影展
霆鋒昨日接受電話訪問說：「其實今次揀相每個地方都揀啲，配合番歌曲moody嘅感覺，例如巴黎夜景咁，當作我呢幾年四圍做嘢嘅一個紀錄。」
霆鋒近年迷上攝影，拍下不少照片，他透露六月在港舉行個人攝影展及結他展，霆鋒說：「𠵱家籌備緊，到時我會攞晒啲結他出嚟展覽。」
此外，霆鋒昨日於港台接受訪問時，對某雜誌指他與王菲女兒靖童同校及閒時接她放學，他回應：「冇咁嘅事，我間學校喺大潭，佢嗰間喺南灣。傳媒做嘢，無論係同公司（指英皇）或唔同都唔好咁離譜。」
入選想包藝人
而有消息指霆鋒入選台灣網頁舉辦的最想包的香港男藝人三甲，而他入選原因是被認為適合控制力強的女性，他對此笑言：「我覺得係好正面，但個包字唔係咁好聽，如果係不如包咗我一百萬隻碟。」
採訪：陳儀敏、蔡如玉
攝影：陳儀敏